2021 жылғы 19-20 тамыз күндері Нұр-Сұлтан қаласының білім беру ұйымдарының дене шынықтыру және бастауыш әскери және техникалық дайындық мұғалімдерінің тамыз қалалық секциялық кеңесін өткізу бағдарламасына сәйкес «Дене шынықтыру» пәні бойынша оқу-тәрбие процесін ұйымдастырудың өзекті мәселелері" № 3 диалог алаңы және «Елорданың білім беру ұйымдарындағы дене тәрбиесінің жай-күйі және ҚР БҒМ ҰҒПДТО дамытудың басымдықтары туралы» пленарлық сессия өтті. Нұр-Сұлтан қаласы әкімдігінің «Шығыс» балалар мен жасөспірімдер орталығының, ҚР БҒМ «Ұлттық ғылыми-практикалық дене шынықтыру орталығының» басшылары, Дене шынықтыру мұғалімдері қауымдастығының жаңадан сайланған құрамының спикерлері-мүшелері кәсіби қоғамдастықтың ең өзекті мәселелері бойынша сөз сөйледі: «Дене шынықтыру» пәні бойынша оқу-тәрбие процесін құжаттамалық сүйемелдеуді қамтамасыз ету», «Дене шынықтыру мұғалімдерінің мектептегі әдістемелік бірлестігінің қызметін ұйымдастыру», «Педагогтарды аттестаттау педагогтің кәсіби құзыреттілігінің өсу көрсеткіші және дене шынықтыру сабағын оқыту сапасын жақсартудың шарты ретінде». Пленарлық сессия аясында Нұр-Сұлтан қаласының білім беру ұйымдарының дене шынықтыру пәнінің бірқатар педагог-мұғалімдері білім басқармасы мен Қазақстан Республикасы Білім және ғылым министрлігінің Ұлттық ғылыми-практикалық дене тәрбиесі орталығының грамоталарымен және алғыс хаттарымен марапатталды.