2022 жылдың 1 маусымында Нұр-Сұлтан қаласы әкімдігінің «Өркен» балалар мен жасөспірімдер дене тәрбиесі орталығы «Астаналық саябақта» «Балалық шақ – ғажайыптар әлемі» бағдарламасы аясында ұлттық спорт түрлерінен (арқан тартыс, бес асық, асық ату, ләңгі тебу, гір көтеру) жарыстар өткізді. Жарысқа қатысушыларды қамту 500-ден астам баланы құрады.

Мектептерде «Дидарлы жаз-2022» жазғы спорт және ойын алаңдарының ашылуына орай 5-6 сыныптарда оқитын 1700-ден астам оқушы арасында «Халық добы» ойыны бойынша мектепішілік турнирлер ұйымдастырылды.

«Жас тарлан» әскери-спорттық орталығында 80-нен астам оқушының қатысуымен «Айбынды маусымның» ашылуы өтті.

«Тарлан Аренада» (9-14 жас) қыздарға арналған «Футболдағы балаларды қорғау саясаты» жобасы аясында «Менің ойыным» футбол фестивалі өтті. Фестивальге №2,16,20,25,26,37,43,56,58,61,80,83,88 мектептерінен 173 оқушы қатысты.

Қалалық № 37,56,85,8 мектептерінің спорт алаңдарында мектеп оқушылары шағын футболдан және 3х3 баскетбол бойынша аудандық жарыстарға қатысуға мүмкіндік алды. Жарысқа қатысушыларды қамту 200-ден астам баланы құрайды.

Нұр-Сұлтан қаласы әкімдігінің «Өркен» балалар мен жасөспірімдер дене тәрбиесі орталығы Халықаралық балаларды қорғау күніне орай ұйымдастырылған мерекелік іс-шараға қатысушыларды қамту 2653-тен астам баланы құрады.