2023 жылғы 5 қаңтарда Астана қаласының № 91 мектеп-гимназиясында «Өркен» балалар мен жасөспірімдер дене тәрбиесі орталығы қалалық әдістемелік орталықпен бірлесіп, жас мамандар - қала мектептерінің дене шынықтыру және алғашқы әскери және технологиялық даярлау мұғалімдері үшін «үздік тәжірибе - үздік педагогтардан» атты қалалық семинар-практикум өткізді.

Семинар-практикумның спикерлері қалалық дене шынықтыру мұғалімдері қауымдастығының мүшелері: Г.Е. Апарова, Е.И.Копкина, А.Т. Шомаев, сондай-ақ «Өркен» балалар мен жасөспірімдер дене тәрбиесі орталығының құрылымдық бөлімшелерінің педагогтары: «Сарыарқа» БЖДДК нұсқаушысы - З.И. Акчурина, «Арка Алан» ұлттық спорт түрлерін дамыту орталығының жаттықтырушы-оқытушысы - А.Г. Жүсіпов және «Жас тарлан» әскери-патриоттық спорт орталығының мамандары. Олар «Дене шынықтыру» және «Бастапқы әскери және технологиялық дайындық» пәндері бойынша оқу бағдарламасының бөлімдері бойынша оқыту мен тәрбиелеу әдістемесіндегі үздік тәжірибені ұсынды.