Астана қаласы әкімдігінің «Шығыс» балалар мен жасөспірімдер орталығының ұйымдастыруымен Қазақстандағы Жастар жылына арналған «Ұлттық ойындар - асыл мұрамыз» жобасы шеңберінде 2019 жылғы 18 наурызда «Қазақ күресі» ойынынан жекелей жарыстар өтті.

Жарысқа 2002-2003 жылдары туған барлығы 181 оқушы және 2004-2006 жылдары туған 175 оқушы және барлығы 356 спортшы қатысты. Жарыстар «Жасұлан» республикалық мектебінде өтті.

16 үздік балуан 2019 жылғы мамырда өтетін «Ұлттық ойындар - асыл мұрамыз» ойындарының қорытындылау іс-шарасына қатысатын болады.

2019 жылғы 19 наурызда «Жасұлан» республикалық мектебінде «Қазақ күресінен» мектептер арасындағы командалық жарыстар өтті. Жарыс нәтижесі былай болды: 1 орын - №64 МЛ, 2 орын - №68 МГ, 3 орын - «Жасұлан» республикалық мектебі.