2020 жылдың 10 қазанында Нұр-Сұлтан қаласы әкімдігінің "Шығыс "Балалар-жасөспірімдер орталығы" МКҚК-ның жаңа "АРҚА ALAN" ұлттық спорт түрлерін дамыту орталығы» ашылды. Ашылу салтанатына Нұр-Сұлтан қаласының әкімі А.С. Көлгінов қатысты.                                   

"АРҚА ALAN" ұлттық спорт түрлерін дамыту орталығының " ашылуы оқушыларға ұлттық ойындар туралы жаңа білім алуға мүмкіндік береді.

Орталықты ашудың басты мақсаты-балалар мен жастар арасында ұлттық спортты насихаттау, ұлттық бірегейлендіру арқылы патриотизмге тәрбиелеу.

"АРҚА ALAN" ұлттық спорт түрлерін дамыту орталығының ашылуымен балаларға заманауи, арнайы жабдықталған залдарда орналасқан, тәжірибелі жаттықтырушы-оқытушылардың жетекшілігімен спорттық секцияларға баруға мүмкіндік беріледі:

* қазақ күресі

* асық ату

* тоғызқұмалақ

* шахмат

Орталықтың спорт секцияларындағы сабақтар балалардың ұлттық ойындарға деген қызығушылығы мен ынтасының өсуіне ғана емес, сонымен қатар жалпы дене шынықтыру және спортпен шұғылдануды танымал етуге ықпал етеді. Орталық  Ч.Айтматов көшесінде орналасқан («Памир» тұрғын үй кешеніне қарама қарсы).