Алғашқы әскери және технологиялық дайындық оқытушыларының кеңесі

  2022 жылдың 28 қаңтарында Нұр-Сұлтан қаласы әкімдігінің «Өркен» балалар мен жасөспірімдер дене тәрбиесі орталығының «Жас Тарлан» әскери-спорт орталығында Нұр-Сұлтан қаласының алғашқы әскери және технологиялық дайындық оқытушы-ұйымдастырушыларының кеңесі өтті.

    Кеңесте өскелең ұрпаққа патриоттық тәрбие беру мәселелері талқыланды. Кеңеске қорғаныс істері жөніндегі департаменттің, «Жас сарбаз» балалар қозғалысының қалалық филиалының өкілдері, Нұр-Сұлтан қаласы білім басқармасының басшылығы шақырылды. Кеңес қорытындысы бойынша алғашқы әскери және технологиялық дайындық және патриоттық тәрбие мәселелері бойынша бірқатар сындарлы ұсыныстар қабылданды.