2022-2023 оқу жылына арналған нұсқаулық-әдістемелік, спорттық-бұқаралық және дене шынықтыру-сауықтыру, әскери-спорттық іс-шаралар мен жарыстардың күнтізбелік жоспары негізінде Астана қаласы әкімдігінің «Өркен» балалар мен жасөспірімдер дене тәрбиесі орталығы 2022 жылғы 19 қыркүйек пен 8 қазан аралығында 9-11 сынып оқушылары арасында қалалық оқушылар Гимназиадасы бағдарламасында футболдан жарыстар ұйымдастырып, өткізді.

Жарысқа Астана қаласының 86 мектебі қатысты. Финалдық ойындар №27 және №32 мектептер базасында өтті. Жарыс қорытындысы бойынша І орынды №64 мектеп-лицейінің құрама командасы, ІІ орынды №27 мектеп - лицей, ІІІ орынды №84 мектеп-гимназиясы жеңіп алды. Жеңімпаздар мен жүлдегерлер Астана қаласы әкімдігінің «Өркен» балалар мен жасөспірімдер дене тәрбиесі орталығының кубок, медаль және дипломдарымен марапатталды.  №64 мектеп-лицейінің құрама командасы оқушылардың республикалық Гимназиадасында Астана қаласының атынан өкілдік ету құқығына ие болды.