2022 жылғы 9 қарашада Қазақстан Республикасы Қарулы Күштерінің Ұлттық әскери-патриоттық орталығында «Жас сарбаз» республикалық әскери-патриоттық ән фестивалінің қорытынды туры өтті.

Қазақстанның барлық өңірлерінен «Жас сарбаз» балалар мен жасөспірімдер қозғалысының 150-ден астам тәрбиеленушісі «Вокал», «Фольклор» және «Вокалдық - аспаптық ансамбль» номинацияларында үздік болу құқығы үшін күресті.

Астана қаласының «Жас сарбаз» қозғалысы тәрбиеленушілерінің қалалық кезеңінің қорытындысы бойынша фестивальге Сәкен Сейфуллин атындағы № 80 мектеп-гимназиясының оқушылары қатысты.

Фестивальге сапалы дайындық, табандылық пен еңбек, жас орындаушылардың таланты Сәкен Сейфуллин атындағы № 80 мектеп - гимназиясының «Ақжелен» ансамблінің ұжымына композитор - күйші Дәулеткерей Шығайұлының "Көроғлы" композициясымен «фольклор» номинациясында 1 - орынға ие болуға мүмкіндік берді.