Астана қаласы әкімдігінің «Өркен» балалар мен жасөспірімдер дене тәрбиесі орталығының 2022-2023 оқу жылына арналған нұсқаулық-әдістемелік іс-шаралар өткізу жоспарына сәйкес, 2022 жылғы 8 желтоқсанда №59 мектеп - лицейінде аудандық нұсқаулық-әдістемелік семинар-практикум өтті.

Семинарға "Есіл" ауданы мектептерінің дене шынықтыру мұғалімдерінің әдістемелік бірлестіктерінің басшылары және Астана қаласы әкімдігінің "Өркен" балалар мен жасөспірімдер дене тәрбиесі орталығының мамандары қатысты.

Семинар-практикумда «Сабақтан тыс спорттық сабақтарды ұйымдастырудың өзекті мәселелері және білім беру ұйымдарындағы дене тәрбиесінің жай-күйіне жүргізілген мониторинг қорытындысы бойынша мектеп спорт клубтарының тиімді қызмет ету шарттары» тақырыбында әңгіме өтті. Семинардың практикалық бөлімінде қатысушылар «Есіл» ауданының балалар мен жасөспірімдер дене дайындығы клубының нұсқаушыларымен оқу-жаттығу сабақтарын өткізу тәжірибесімен танысты.