2023 жылғы 10 наурызда Астана қаласының «Жоғары көлік және коммуникация колледжінің» спорт залында Астана қаласы әкімдігінің «Өркен» балалар мен жасөспірімдер дене тәрбиесі орталығының ұйымдастыруымен колледждер арасында қазақ күресінен Ұлттық колледж лигасы аясында жарыстар өткізілді.

Жарысқа 9 колледжден 70 студент қатысты.

Жарыстың қорытындысы:

1 орын - «Астана» халықаралық университетінің Педагогикалық колледжі;

2 орын - «ASTANA Polytechnic жоғары колледжі»;

3 орын - «Қоғамдық тамақтану және қызмет көрсету колледжі».

Жеңімпаздар мен жүлдегерлер Астана қаласы әкімдігінің «Өркен» балалар мен жасөспірімдер дене тәрбиесі орталығының диплом, медаль және кубоктарымен марапатталды.