Астана қаласы әкімдігінің «ӨРКЕН» балалар мен жасөспірімдер дене тәрбиесі орталығының күнтізбелік іс-шаралар жоспарына (Білім басқармасының 12.09.2023 ж. № 1934 бұйрығымен бекітілген) сәйкес, ҚР ОАМ ҰҒПДТО «Дене тәрбиесінің үздік мұғалімі» республикалық конкурсын өткізу туралы Ережені басшылыққа ала отырып, «Өркен» балалар мен жасөспірімдер дене тәрбиесі орталығында 2024 жылғы 15 наурызда №84 мектеп-лицейінде «Дене тәрбиесінің үздік мұғалімі» қалалық байқаудың кезекті кезеңі өтті. Байқау кәсіби қызметті жетілдіруге ынталы шығармашылықпен жұмыс істейтін, талантты педагогтарды анықтау мақсатында өткізіледі. Байқаудың негізгі қағидаттары - ашықтық, бағалау критерийлері, шешім қабылдаудың алқалылығы, барлық қатысушылар үшін жағдайдың теңдігі болып табылады. Ашық дене шынықтыру сабағын Астана қаласының № 84 мектеп-лицейінің  дене шынықтыру мұғалімі Қайыпханов Нұржан Қайыпханұлы өткізді.