Астана қаласында 2024 жылға арналған нұсқаулық-әдістемелік, спорттық-бұқаралық және дене шынықтыру-сауықтыру іс-шараларының Республикалық күнтізбелік жоспары негізінде Ы. Алтынсарин атындағы БИНОМ мектебінде Қазақстан Республикасы Оқу-ағарту министрлігінің Ұлттық ғылыми-практикалық дене тәрбиесі орталығы 2024 жылғы 15-17 қазан аралығында тоғызқұмалақтан Олимпиада ұйымдастырып, өткізді.

Жарысқа Астана қаласының құрама командасы және Ы.Алтынсарин атындағы БИНОМ командасы қатысты. 

Жарыс қорытындысы бойынша қыздар арасында Астана құрама командасы ІІ орынды, жалпы командалық есепте Астана құрама командасы ІІІ орынды иеленді.

Жеңімпаздар мен жүлдегерлер Қазақстан Республикасы Оқу-ағарту министрлігінің «Ұлттық ғылыми-практикалық дене тәрбиесі орталығының» кубоктарымен, медальдарымен және дипломдарымен марапатталды.