Астана қаласы Білім басқармасының «2025-2026 оқу жылында алғашқы әскери-технологиялық дайындық пәнін және әскери-патриоттық тәрбие жұмысын жүргізу туралы»  бұйрығына сәйкес, 2025 жылғы 26 тамызда Астана қаласының №86 мектеп-гимназиясында 2025-2026 оқу жылында елорданың білім беру мекемелерінде әскери-патриоттық бағыттағы іс-шараларды ұйымдастыру және өткізу бойынша қалалық кеңес өтті.

Кеңеске Астана қаласы әкімдігінің «Өркен» балалар мен жасөспірімдер дене тәрбиесі орталығының, «Астана қаласы бойынша «Жас сарбаз» балалар-жасөспірімдер әскери-патриоттық қозғалысы» Республикалық қоғамдық бірлестігі филиалының, қорғаныс істері жөніндегі елордалық департаментінің басшылығы мен өкілдері, қала мектептерінің алғашқы әскери дайындық оқытушылары қатысты.                                   

Кеңес қорытындысы бойынша Астана қаласының №86 мектеп-гимназиясының басшылығы мен әкімшілігіне осы кеңесті жоғары ұйымдастырушылық деңгейде өткізуге мүмкіндік бергені үшін Алғыс білдіреміз!